Мицевски: Пратеничката група на ВМРО-ДПМНЕ и Коалицијата ќе поднесат интерпелација за Џафери

3 mins read

Пратеничката група на ВМРО-ДПМНЕ и Коалицијата „Обнова за Македонија“ ќе поднесат интерпелација на Претседателот на Собранието Талат Џафери, информира денеска координаторот на пратеничката група на ВМРО-ДПМНЕ, Никола Мицевски.

– По вчерашниот ден во кој ние пратениците бевме заклучени во пленарната сала по наредба на Талат Џафери веќе е кристално јасно дека Собранието не е повеќе демократска институција, туку институција заробена од еден автократ кој си дозволува да се однесува како Собранието да е приватна своина, непочитувајќи никаков Деловник и кршејќи ги основни човекови права. Талат Џафери, со своите диктаторски и непринципиелни методи не смее ни ден повеќе да го води Законодавиот дом. Овој човек нема почит кон никого, ниту кон собраниската служба која ја вреѓаше и пцуеше на најбезобразен начин, ниту кон пратениците за кои се дрзна да им го ограничи правото на движење и ги заклучи во пленарната сала. Почитувани граѓани, ова се крици на еден немоќен и неспособен човек којшто не може да изгради сопствен авторитет ниту кај службата ниту кај пратениците и затоа незнаејќи што да прави се дрзнува насила да спроведува режим кој што е далеку од демократски. За Талат Џафери не постои Деловник, не постојат човекови права. Овој автократ е влезен во филм дека никој ништо не му може и дека е недопирлив и затоа мора да си оди подалеку од храмот на демократијата, рече Мицевски.

Според него, се што прави Џафери, прави со амин на коалицискиот партнер СДСМ.

– Сакаме да додадеме дека сето ова случува со амин и знаење на СДСМ кој секојдневно ги брани постапките на Џафери сакајќи најлошиот претседател на Собранието во историјата да го претстави како најдобар. Ова е одговорност и на СДСМ, кој заедно со Џафери ги приредува овие циркуси во Собранието. Нас ни е јасно дека Џафери и СДСМ ќе направат се, повторно да избегаат од одговорност како многупати досега и исто така им порачуваме дека оваа интерпелација не смее да заврши повторно кај него во фиока и никогаш да не ја стави на седница како што се случи со предходната што ја поднесовме. Редот и функционирањето на Деловникот мора да се вратат во Собранието на Република Македонија. Самоволието, деспотското раководење и сите други методи на кои е навикнат Џафери може да си ги применува само во својата партија и кај него дома – нагласи Мицевски.

Претходно и пратеникот на Левица, Димитар Апасиев најави интерпелација на спикерот Џафери.

ВИДЕО: Инцидент во Собранието, Џафери ја заклучи салата и ги исклучи микрофоните

www.slobodenpecat.mk

Претходно

Кејт Мос сведочеше во корист на Џони Деп: Тој никогаш не ме удирал, не ме фрлил по било какви скали

Следно

Шолц: Русија нема да победи во војната, ниту да ги диктира условите за мир

Latest from Blog

MacedonianEnglishAlbanian