„Мерцедес“ и „Тојота“ сакаат да отворат фабрики во Србија, тврдат владини функционери

1 min read

Република Србија може да добие две нови фабрики на познатите автомобилски компании „Мерцедес“ и „Тојота“, јавуваат српските медиуми.

Магазинот Недељник пишува дека биле започнати преговори за градење на фабриките, повикувајќи се на добро информиран претприемач вклучен и во германската и во српската бизнис заедница.

„Преговорите се во тек со неколку светски произведувачи на автомобили. Најдалеку се отидени преговорите со Мерцедес“, потврдил за Б92 висок функционер на српската влада.

Како што пишува Недељник, јапонскиот гигант „Тојота“ испратил писмо до општината Инѓија. Најавена е изградба на фабрика за автомобили вредна милијарда евра, потврдил претседателот на општината Инѓија Владимир Гак.

„Прашањето кое виси во воздух додека не стигнат повеќе информации за овој аражман е дали Тојота проценила дека ѝ се потребни нови капацитети (покрај фабриките во Турција и Чешка) за „напад“ на европскиот пазар и верува дека Србија е добро место за таа стратегија“, наведува Недељник.

www.slobodenpecat.mk

Претходно

ВИДЕО: Македонските фудбалери ги стартуваа подготовките за Лигата на нации

Следно

ВИДЕО: Цел меч за Велковски, хрватскиот куп трофеј за Атанасов

Latest from Blog

MacedonianEnglishAlbanian