Делегации на Шведска и Финска денеска во Турција на состанок за нивното членство во НАТО

1 min read

Претставници на Шведска и Финска денеска се среќаваат со претставници на турските власти за да разговараат за нивните барања за влез во НАТО.

Двете земји ги поднесоа своите барања за приклучување кон Алијансата по руската инвазија врз Украина, а за одлуката за прием ум е потребна согласноста на сите 30 членки на НАТО.

Но, Турција се спротивстави на нивните тврдења. Претседателот Реџеп Тајип Ердоган ги обвини двете земји дека на своја територија им даваат закрила на поддржувачи на курдската сепаратистичка милитантна група ПКК.

Шведска и Финска воведоа санкции кон Анкара во 2019 година по воениот упад во Сирија, каде што се активни некои курдски милитанти.

Некои аналитичари веруваат дека е можно Турција да се противи на членството на двете земји во обид да бара и добие отстапки од другите членки на НАТО.

Шефот на финската дипломатија изјави дека се надева оти двете страни би можеле да ги разјаснат своите разлики.

kurir.mk

Претходно

Зајакнете го имунитетот со новите производи на ГАЛЕНИКА

Следно

ВИДЕО | Андоновиќ: Српскиот патријарх Порфириј е умерен, флексибилен и без тврди ставови

Latest from Blog

MacedonianEnglishAlbanian