Мицкоски: Сесловенските просветители Кирил и Методиј со своето дело се втемелија во великаните на европската и светската цивилизација

1 min read

Денес Македонија го чествува празникот на сесловенските просветители браќата Кирил и Методиј, кои со своето дело се втемелија во великаните на европската и светската цивилизација. До ден денес Македонците и светот им се благодарни на нашите просветители, чествувајќи го нивното дело, напиша во честитката лидерот на ВМРО-ДПМНЕ, Христијан Мицкоски по повод 24 Мај – Денот на сесловенските просветители Светите Кирил и Методиј.

Нивната света мисија за просветувањето и продуховување на словенските народи, како што посочи, е само показател за силниот човечки дух и исконскиот порив да се зачува јазичната, културната и идентитетската посебност.

– Во денешно време кога Македонија се соочува со негирање на македонскиот идентитет, култура и историја, потребна ни е сплотеност и обединување на македонските граѓани со цел да ги победиме лошите политики, да ги направиме промените во Македонија и да обезбедиме подобра иднина. Не смееме да дозволиме тргување со нашиот идентитет, и наша обврска е да се избориме за почитување на нашето наследство што е заложбина и аманет на нашите предци. Светлиот пример на нашите просветители истовремено е и аманет да продолжиме на патот за обезбедување подобро образование и научна работа, напиша Мицкоски во честитката.

www.slobodenpecat.mk

Претходно

Разговор со д-р Весна Попоска, деканка на Правен факултет: За почеток да почнеме да користиме кирилица на мобилните

Следно

УНИЦЕФ: Прекумерната потрошувачка од богатите земји ја уништува светската животна средина

Latest from Blog

MacedonianEnglishAlbanian