Канада воведе санкции за рускиот милијардер Александар Лебедев

1 min read

Канада му воведе санкции на Александар Лебедев, поранешен агент на советски КГБ, а во моментов сопственик на британските весници „Ивнинг Стандард“ и „Индипендент“, и финансиер на „Нова Газета“, водечкиот руски опозициски весник.

Лебедев е еден од 13-те нови лица кои се вклучени во последните санкции што Канада ги објави вчера, во кои се вклучени олигарси поврзани со режимот на рускиот претседател Путин.

Пакетот санкции, што опфаќа стоки во вредност од 75,7 милиони долари, вклучува забрана за одредени луксузни стоки од Русија, вклучувајќи кавијар, дијаманти и вотка. Канада, исто така, забранува производи што би можеле да се користат во производството на оружје во Русија.

Според „Глоб анд Мејл“, меѓу санкционираните е и Глеб Франк, сопственик на една од најголемите руски риболовни компании, воедно и син на Сергеј Франк, поранешен министер за транспорт и поранешен извршен директор на „Совкомфлот“, најголемата руска бродска компанија. (МИА)

kurir.mk

Претходно

МВР: Безбедноста на пешаците на прво место, значително намален бројот на жртви на патиштата

Следно

Претрес во скопско Ласкарци, приведено едно лице

Latest from Blog

MacedonianEnglishAlbanian