Торнадо во германскиот град Падерборн, повредени околу 40 лица

1 min read

Меѓу 30 и 40 лица се повредени, од кои 10 потешко, во невремето што попладнево го зафати западниот германски град Падерборн, соопштија официјални лица, пренесе ДПА.

„За време на невремето проследено со грмотевици, торнадо денеска попладне имаше патека на уништуваше од запад кон исток, минувајќи низ центарот на Падерборн, во правец на источните делови на градот“, соопшти полицијата.

Официјалните лица проценуваат дека торнадото предизвика милионски штети. Во индустриска зона биле урнати покривите на магацините. Лимови, изолација и други материјали се расфрлани со километри наоколу градот, пренесува германската агенција.

Противпожарната бригада, исто така, извести за сомнително торнадо во Липштад, град на околу 35 километри од Падерборн, што предизвикало „сериозна штета“.

Портпаролот на противпожарната служба изјави дека насекаде има уништени покриви и паднати дрвја.

kurir.mk

Претходно

ФОТО | Најстарата инфлуенсерка на „Инстаграм“: Запознајте ја Хелен

Следно

Бајден му го честита реизборот на Вучиќ: Ја охрабрувам Србија да направи исчекор за брзо нормализирање на односите со Косово

Latest from Blog

MacedonianEnglishAlbanian