Александар Трајковски оствари голем успех со екипата на Ал Фејха освојувајќи го трофејот во Кралскиот куп на Саудиска Арабија.
Во големото финале Ал Фејха триумфираше против Хилал после пенал серијата со 3:1, а по 120 минути игра резултатот беше 1:1.
Значаен придонес во победата имаше српскиот голман Владимир Стојковиќ кој само еднаш беше совладан од белата точка.
Ова е инаку прва титула за екипата на македонскиот репрезентативец во својата клупска историја.
Сезонава нашиот напаѓач во тамошниот шампионат запиша осум настапи и еден гол, а исто така и во Кралскиот куп еднаш се запиша во листата на стрелците од три настапи.
– Емоции кои не можат да се објаснат. Шампиони – стои во Инстаграм објавата на Трајковски.
#VIDEO: Al Feiha crowned with the first official championship in the club’s history after winning the King’ Cup final 2021 – 2022. (@Alfaihaclub)pic.twitter.com/edJQvJzko3
— Saudi Gazette (@Saudi_Gazette) May 19, 2022
