Само двајца кафеанџии платиле за летните тераси во Центар, останатите газди бараат олеснувања

1 min read

Кафеанџиите од скопско Дебар Маало доставија барање до Општина Центар да се измени Правилникот за поставување на летни тераси донесен од ексградоначалникот Саша Богдановиќ. Овој правилник беше донесен пред две години со цел да се воведе ред во поставување на маси и столици, да не може на кој како ќе му текне да поставува урбана опрема, да го заградува јавниот простор и да нема место за движење за пешаците.

Годинава Општина Центар има наплатено нешто повеќе од 100.000 денари надоместок за поставување на кафеански маси и столици на јавен простор. Надоместокот за летна тераса го имаат платено само двајца кафеанџии. Другите се жалат дека немаат пари поради ограничувањата од коронакризата.  

Кафеанџиите бараат да се дозволи поставување на маси и столици и на површина со помала ширина од 1,5 метар, (сега е дозволено минимумот да биде 2,5 метри), да не се бара согласност од станари за летна тераса, да се постават платформи на земја, како и да се откупи паркинг простор на „Паркинг Општина Центар“ за да се стават дополнителни маси.

Извор: СДК

skopjeinfo.mk

Претходно

Патријарх Порфириј: Конечно оздраве длабоката и болна рана стара 55 години

Следно

Анчелоти за Мбапе, Бејл и финалето со Ливерпул во ЛШ

Latest from Blog

MacedonianEnglishAlbanian