Патријарх Порфириј: Конечно оздраве длабоката и болна рана стара 55 години

1 min read

Патријархот на Српската православна црква (СПЦ) Порфириј денеска на литургијата за помирување со Македонската црква рече дека по 55 години „оздраве длабоката и болна рана на расколот“ меѓу двете цркви и дека ова е голем ден и чудо на Бог.

-Да се ​​радуваме и да се радуваме, да се радуваме, браќа и сестри, зашто денес се радува полнотата на црквата, се радуваат небото и земјата, се радуваат сите светии, Свети Сава и сите кои се засадени во неговиот корен, рече Порфириј во храмот Свети Сава во Белград каде служеше литургија на помирување заедно со архиепископот Охридски и Македонски Стефан и архиепископите на двете цркви.

На заедничка литургија на поглаварите на МПЦ-ОА и на СПЦ и на владици од двете цркви во храмот „Свети Сава” во Белград, архиепископот охридски и македонски г. г. Стефан во своето обраќање ѝ се заблагодари на СПЦ за тоа што ја поздравила одлуката на Вселенската патријаршија.

– Му благодариме на Бога што, еве, се исполни времето, па наидовме на братољубиво разбирање и кај Неговата Светост, патријархот г. Порфириј, заедно со членовите на Соборот на Српската православна црква, кои, само по неколку дена од донесениот акт на Синодот на Вселенската патријаршија, раководен од Неговата сесветост патријархот г.г. Вартоломеј и во истиот тој дух, донесоа одлука за воспоставување на евхаристиско и канонско единство помеѓу нашите помесни Цркви, истакна во својот говор архиепископот Стефан.

www.slobodenpecat.mk

Претходно

Нови детали за здравствената состојба на принцезата Шарлин: Еве низ каков пекол поминувала

Следно

Само двајца кафеанџии платиле за летните тераси во Центар, останатите газди бараат олеснувања

Latest from Blog

MacedonianEnglishAlbanian