ВИДЕО | Слободата на говор не смее да се замолчи со полициска строгост

2 mins read

Настанот со кој се повика новинарката Соња Колевска Делевска во полициска станица на информативен разговор поради објава на текст, веднаш го осудија и побараа негово расветлување од Здружението на новинарите на Македонија, Самостојниот синдикат на новинари и медиумски работници (ССНМ) и Хелсиншкиот комитет за човекови права.

Според Младен Чадиковски, претседател на Здружението на новинари на Македонија (ЗНМ), ако е ова инцидент МВР ќе може реално и брзо да ја увиде грешката и да преземе санкции за тој што направил грешка.

– Алармот треба да биде вклучен, треба да бидеме уште побудни во следењето на овие нешта и на начинот на кој што институциите го практикуваат владеењето на правото. Ова не смееше да се случи. Сега очекуваме санкција, вели Чадиковски.

Случајот со колешката Делевска според  Павле Беловски, претседател на Самостојниот синдикат на новинари и медиумски работници (ССНМ) оди на конто на тоа дека имаме уште еден несакан обид за заплашување и загрозување на работата на новинарите во земјава.

– Не сакам да верувам дека имаме механизми кои во едно време властите се пресметуваа со нашата професија. Има големи пропусти и од тоа не можеме да отстапиме. Одново се покажа фрагилноста на МВР, вели Беловски.

И Хелсиншкиот комитет за човекови права остро го осуди притисокот врз новинарката Делевска.

„Повикувањето новинар на разговор во полициска станица од вооружени полицајци, а за прашање кое не е кривично дело, туку се процесира во граѓанска постапка за евентуално утврдување на граѓанска одговорност за навреда и клевета, се коси со уставните начела што го гарантираат слободниот пристап до информациите, слободата на примање и пренесување на информации. Проблематично е тоа што полицијата потклекнала пред барањето на пријавителката“, сметаат од Хелсиншкиот комитет.

Додека МП и полицијата го расветлуваат случајот, јавноста остана покуса за информацијата кое е лицето односно раководителката од МВР која ја повикала новинарката од редакцијата на СДК на информативен разговор.

Во отсуство на оваа информација од институциите, ваквите постапки на „условно“ заплашување на новинари и грубо мешање во уредувачката политика на медиумите се рефлектираат во заклучоците на сите меѓународни извештаи кои го бележат глобалниот индекс за слободата на медиумите, говорот и демократијата во земјава.

www.slobodenpecat.mk

Претходно

Кулинарски трикови: Како да подготвите совршени тиквички

Следно

Нафтата повторно скокна: Цената на ново високо ниво

Latest from Blog

MacedonianEnglishAlbanian