ВИДЕО | Маскиран маж ѝ се заканува на Србија: Вам не ви е грижа за жрвите во Украина и затоа сте наша следна цел

3 mins read

Дојавите за бомби во Србија не престануваат – само вчера беа испратени закани за бомби до повеќе од 90 основни и средни училишта. Исто така, и денеска стигна дојава за наводно поставена бомба во трговски центар во центарот на Белград, објави српскиот медиум „Мондо“.

Доказ за тоа дека целата ситуација оди предалеку е и оваа снимка која се појави на Твитер, а корисникот кој ја прикачил се претставува како, наводно, еден од припадниците на хакерската група „Анонимус“.

„Здраво Србијо. Вие активно ја поддржувате Русија во нивните крвави и терористички акции кон Украина. Не ви е грижа за човечките жртви и кутрите украински деца и затоа вие сте нашата следна цел. Би сакал да ви поставам едно прашање: Дали навистина сте олку глупави или не? Но, тоа не е важно во овој момент, очекувајте ја нашата освета поради вашата заслепеност и глупост. Ние сме ‘Анонимус’, не забораваме и не простуваме. Очекувајте нѐ“, се слуша на снимката.

Премиерката на Србија Ана Брнабиќ оцени дека бројните дојави за бомби во Србија се притисок од странство поради невоведувањето санкции кон Русија.

„Ние даваме отпор 82 дена, ние сме единствената земја во Европа која нема воведено санкции кон Русија, дури и постојано неутралната Швајцарија ги воведе, дури и БиХ ги наметна, и ако за тоа не се прашаа сите што треба да се прашаат. Ние сме единствената земја која не воведе санкции и трпиме огромни притисоци, кои се страшни и секој ден стануваат се потешки, посилни и полоши“, изјави Брнабиќ.

Таа оцени дека дојавите за бомбите се внимателно испланирани и оти тие „сигурно” дошле од странство, што говори и тоа што една од дојавите стигнала до белградскиот „Тропикариум“, за кој повеќето граѓани не ни знаат дека постои.

„Некој погледнал какви може да бидат сите туристички атракции, кај нас тропикариумот е мал и повеќето не знаат за него, што ви покажува дека некој го планирал тоа и дека доаѓа од странство, затоа што ако некој го смислил тоа од Србија, никогаш не би испратил дојава до тропикариумот“, објасни Брнабиќ.

Таа кажа и дека невоведувањето санкции кон Русија е „исклучително скапо“, бидејќи главното прашање за инвеститорите стана зошто Србија сè уште нема воведено санкции кон Русија, а како што истакна, дополнително го забавува натамошниот раст на земјата.

www.slobodenpecat.mk

Претходно

На патиштата низ САД лани погинале 43.000 лица

Следно

За баражот Воска – Тиквеш ФФМ ќе постапи според упатствата на МВР

Latest from Blog

MacedonianEnglishAlbanian