Медведев елиминиран уште во првиот меч на турнирот во Женева

1 min read

Првиот носител на АТП турнирот во Женева, Данил Медведев доживеа пораз на стартот од Французинот Ришар Гаске.

Мечот од второто коло кој траеше точно еден и пол час беше решен во два сета со резултат 2:0 (6:2, 7:6).

Рускиот тенисер го играше својот прв меч после еден и пол месец пауза поради повреда.

Го немаше потребниот ритам и тоа го искористи Гаске за пет врзани освоени гемови за лесно освојување на првиот сет.

Гаске во вториот сет направи брејк и експресно поведе со 3:1. Потоа, следуваше пресврт на Медведев за 4:3. Во понатамошниот период се играше гем за гем до тај-брејкот кој Гаске го доби со 7:5.

Во другите денешни мечеви: Андухар – Соуза 0:2, Багнис – Басилашвили 0:1 (Багнис пред.), Рамос – О`Конел 0:2, Кокинакис – Фоњини 2:0, Риеди – Никлес 1:2.

www.slobodenpecat.mk

Претходно

САД: Успешни напорите да и се оневозможи пристап на Русија до високата технологија

Следно

Какви се хороскопските знаци кога се болни?

Latest from Blog

MacedonianEnglishAlbanian