Ковачевски: СОНК брзо да ги прифати условите, покачувањето на платите од 15 отсто е историско

1 min read

Претседателот на Владата Димитар Ковачевски вечерва преку Фејсбук упати апел до СОНК брзо и целосно да ги прифати условите договорени денеска во преговорите со МОН.

„Успеавме да постигнеме значаен договор за вработените во образованието и покачување на платите од дури 15 отсто, почнувајќи од септемвриската плата.

Ова зголемување на платите е најголемото досега и заедно со досегашните 21 отсто зголемување е историски најголемата поддршка на вработените во образованието. До пред само 5 години, максималното зголемување на платите беше 4 отсто, без глобални кризи.

Сега, во услови на најголема економска и енергетска криза, покрај огромното процентуално зголемување, на вработените во образованието, преку колективните договори ќе им се овозможи и усогласување со минималната плата како и други придобивки. Воедно, ќе се дефинира методологија за континуиран раст на платите, со што ќе се заштити стандардот на наставниците и ќе се овозможи континуирано зголемување на плата без потреба од дополнителна владина, институционална или политичка интервенција.

Апелирам до СОНК за брзо и целосно прифаќање на договорените условите и одговорност. Да може институциите да продолжат со конкретни активности за спроведување на овој историски раст на платите во образованието“, напиша премиерот.

www.slobodenpecat.mk

Претходно

Калуш Оркестра објави: Одиме на турнеја за да собереме пари за Украина, а ќе го продадеме и пехарот

Следно

Ибрахимовиќ по освојувањето на титулата во Серија А ќе открие дали оди во пензија

Latest from Blog

MacedonianEnglishAlbanian