Грција: Утре ќе се одлучува за носењето маски во затворен простор

1 min read

Маската во затворен простор во Грција и понатаму е задолжителна до крајот на месецов, а според министерот за здравство, надлежната комисија на епидемиолози, утре ќе донесе препорака за евентуалното укинување по 1 јуни, јави дописничката на МИА од Атина.

Министерот за здравство на Грција Танос Плеврис во интервјуто за грчката телевизија „Скај“ рече дека ги очекуваат одлуките на Комисијата и во однос на тоа во кои внатрешни простори, маската и понатаму би била задолжителна.

„Утре Комисијата ќе дискутира за употребата на маска од 1 јуни и очекуваме да ги слушнеме позициите на експертите. Маската сигурно ќе остане во некои внатрешни простори, како на пример болниците“, рече Плеврис.

Додаде дека Комисијата ќе ја разгледа и препораката од ЕУ, маската да не е задолжителна во авионите и на аеродромите.

Во однос на пандемијата истакна дека се уште не е завршена и „треба да сме подготвени, бидејќи можеби на есен ќе биде потребно повторно да се преземат мерки“.

www.slobodenpecat.mk

Претходно

Бајден во четврток ќе ги прими шведската премиерка и финскиот претседател

Следно

Официјално: Жељко Бабиќ ќе го напушти Е. Пелистер

Latest from Blog

MacedonianEnglishAlbanian