Британски новинар најавува шокантна книга за Меган Маркл: Дознав неверојатни работи за неа

2 mins read

Очигледно принцот Хари не е единствениот што објавил книга со информации поврзани за членовите на британското кралско семејство. Имено, британскиот истражувачки новинар, биограф и писател Том Бауер вели дека неговата книга за Меган Маркл содржи „извонредни информации“, неодамна објави „Daily Mail“.

Бауер истакнал дека завршил со пишувањето на книгата и дека таа би можела да биде објавена уште оваа есен.

„Дознав работи за неа кои се навистина неверојатни. Мислам дека перцепцијата на јавноста за неа или ќе се потврди или ќе се влоши, но во секој случај ќе биде големо изненадување“, изјавил Бауер.

меган маркл
Меган Маркл и Принц Хари / Фото: EPA-EFE/REMKO DE WAAL

Нему му било навистина тешко да добие информации, бидејќи како што вели, луѓето прилично не сакале да зборуваат, а Меган и нејзините адвокати направиле сè што е во нивна моќ за да го саботираат пишувањето на книгата.

„Тоа е одлична приказна. Тоа е неверојатна приказна за една жена која се појави од нигде никаде и сега е светска личност и која гази сè што ќе ѝ застане на патот, што е карактеристика на многу политичари и тајкуни“, додава Бауер, кој веќе напишани неавторизирани биографии на медиумскиот тајкун Роберт Максвел, претприемачот Мохамед Ал-Фајед, Ричард Бренсон и политичарот Џереми Корбин.

Том Бауер
Том Бауер / Фото: Принтскрин/Јутјуб

Кралскиот експерт Нил Шон вели дека Меган е загрижена поради објавувањето на ова книга.

„Според информации од многу добри извори, Меган е загрижена дека оваа книга може да ѝ го наруши имиџот. Таа е загрижена за тоа кој разговарал со Бауер и се прашува, како што истакна нејзиниот тим, колку всушност се точни овие тврдења. Во секој случај, многу повеќе луѓе веруваат ќе ја дознаат вистината од неговата книга отколку од мемоарите на принцот Хари“, истакна Шон.

www.slobodenpecat.mk

Претходно

Чеферин: Немам проблеми со Реал, но немам никакви контакти со претседателот Перез

Следно

Владата одлучи – почнуваме стратешки дијалог до САД

Latest from Blog

MacedonianEnglishAlbanian