Османи во Брисел на состанок со министрите за надворешни работи на ЕУ

1 min read

Министерот за надворешни работи Бујар Османи денеска во Брисел ќе учествува на состанокот на Советот за надворешни работи на ЕУ, на кој се поканети и шефовите на дипломатиите од западнобалканските земји.

Стратешката дискусија за интеграцијата на државите од Западен Балкан и руската агресија врз Украина ќе бидат двете централни теми за кои ќе се разговара на овој состанок на Советот за надворешни работи на ЕУ.

– Советот прво ќе одржи стратешка дискусија за Западен Балкан, особено околу ангажманот на ЕУ за ублажување на влијанието на руската агресија врз Украина, а последователно министрите за надворешни работи на државите од ЕУ ќе имаат дискусија со министрите за надворешни работи на државите од Западен Балкан, информираат од Министерството за надворешни работи.

На маргини на состанокот, министерот Османи ќе оствари средби со генералната секретарка на Европската комисија, Илзе Јухансоне, како и со други високи претставници во Европскиот совет.

www.slobodenpecat.mk

Претходно

Дневен хороскоп за 16 мај: Не прескокнувајте фази од вашиот напредок, ниту еден успех не доаѓа преку ноќ

Следно

Грчкиот премиер Мицотакис во официјална посета на САД

Latest from Blog

MacedonianEnglishAlbanian