Најдобриот светски тенисер Новак Ѓоковиќ го освои мастерс турнирот во Рим, откако во финалето денеска го совлада Гркот Стефанос Циципас со 2:0 во сетови (6:0, 7:6) за негова шеста титула во италијанскиот главен град.
Српскиот ас го освои својот прв трофеј во 2022 година и со тоа на најдобар начин ја направи увертирата за следниот Грен слем на „Ролан Гарос“ во Париз, Франција кој ќе се одржи од 22 мај до 5 јуни.
Ѓоковиќ одлично го започна мечот, со три последователни брејка практично го „прегази“ Гркот Циципас и го освои првиот сет за точно 30 минути без загубен гем.
Во вториот видовме многу повеќе борба, Циципас со похрабра игра успеа да го „скрши мразот“ и на крајот да му го одземе сервисот на најдобриот светски тенисер и во еден момент да поведе со 5:2.
Djokovic. Is. BACK 🙌@DjokerNole | @InteBNLdItalia | #IBI22 pic.twitter.com/HSSHQ4gh4l
— ATP Tour (@atptour) May 15, 2022
Most ATP Tour match wins since 2018 🎾
🇷🇸 Djokovic – 218
🇬🇷 Tsitsipas – 215
🇩🇪 Zverev – 215@DjokerNole | @InteBNLdItalia | #IBI22— ATP Tour (@atptour) May 15, 2022
Ѓоковиќ се врати во клучен момент, го врати брејкот и го одведе мечот во „тај-брејк“, кој исто така беше доста интересен.
Прв падна Циципас, кој го загуби сервисот во петтиот поен, по што го врати брејкот, но потоа Ноле рутински ја одработуваше задачата до крај и го освои својот петти трофеј во главниот град на Италија, користејќи ја првата меч топка. Мечот траеше еден час и 38 минути.
