ФФМ на Конгресот на УЕФА, ќе добие 17 милиони евра за едукација и развој

1 min read

Во Виена се одржа 46 редовен Конгрес на УЕФА, на кој присуствуваше и делегација на Фудбалската федерација на Македонија.

Зголеменото финансирање за „Хет-трик“ програмата за развој, меѓу другото, беше на дневен ред. Фудбалската федерација на Македонија го претставуваа претседателот Муамед Сејдини и генералниот секретар, Филип Поповски.

На Конгресот во главниот град на Австрија, Европската фудбалска Асоцијација значително го зголеми износот на средства наменети за развој на фудбалот на стариот континент.

Помеѓу 2024 и 2028 година, секоја Национална федерација ќе има на располагање 17 милиони евра за програми за едукација и развој, како што се програмите за општествена одговорност, обука на тренери и судии и за финансирање на фудбалската инфраструктура. Од почетокот на програмата „Хет-трик“ во 2004 година, во европскиот фудбал се инвестирани 2,5 милијарди евра.

На Конгресот беше претставен значаен напредок во женскиот фудбал во Европа, особено значајно во пресрет на претстојното Европско првенство во Англија.

Усвоени се извештаите на претседателот на УЕФА и Извршниот одбор, како и администрацијата на УЕФА за натпреварувачката сезона 2020/2021 година, финансиските извештаи за истиот период и буџетот за финансиската 2022/2023 година. Конгресот го ратификуваше изборот на нови членови во органите на УЕФА. Следниот е закажан за 5 април 2023 година во Лисабон, Португалија.

www.slobodenpecat.mk

Претходно

Шмит ги предупреди ОН: Нестабилноста во БиХ станува сериозен проблем

Следно

ФОТО | Љубовната историја на Амбер Херд: Момчиња, девојки и сопрузи

Latest from Blog

MacedonianEnglishAlbanian