Касами ѝ поднесе кривична на Теута Арифи, наводно го оштетила општинскиот буџет за над милион евра

1 min read

Општина Тетово на чело со градоначалникот Биљал Касами поднесе кривична пријава против поранешната градоначалничка Теута Арифи, како и против општинси функционер, судија и адвокат, поради сомнение дека ги злоупотребиле службените овластувања, со што е оштетен општинскиот буџет во износ од 68 милиони денари (речиси 1,1 милион евра).

Касами денеска објасни дека се работи за случај на експропријација кој датира од 80-тите години, кога вредноста била 3 милиони денари, а повторно бил активиран во 2015 година, кога е пресметана камата.

„Вредноста на експропријацијата била три милиони денари, сега каматата за оваа сума е 65 милиони денари. Се сомневаме дека претходното раководство намерно не го обжалило решението, за кое денеска Општина Тетово плаќа камата и со тоа не само што се оштетува буџетот на општината, туку и граѓаните“, рече Касами.

Тој рече дека од доаѓањето на власт во општината, само за камати платиле над 29 милиони денари или приближно половина милион евра.

www.slobodenpecat.mk

Претходно

Единствените деветорки на светот го прославија првиот роденден: Сите имаат различни карактери

Следно

Партијата на Макрон се преименува во „Препород“

Latest from Blog

MacedonianEnglishAlbanian