Курти ја повика Грција да го признае Косово

1 min read

Косовскиот премиер Албин Курти ја прими денеска новоименуваната шефица на Канцеларијата за врски на Грција во Приштина, Хелени Вакали, од која побара нејзината држава да ја признае независноста на Косово.

Во соопштението на владината служба за информирање се наведува дека Курти побарал од Вакали „Грција да се приклучи на мнозинството членки на Европската унија”, кои го признаваат Косово како независна држава.

-Посакувајќи ѝ добредојде на госпоѓа Вакали, премиерот Курти ги нагласи мошне добрите односи меѓу двете земји и можноста за нивно продлабочување преку порастот на трговската размена и на економската соработка и инвестициите, се вели во соопштението.

Новата шефица на грчката дипломатска мисија во Приштина изјавила дека „иако сè уште не ја признала независноста на Косово, Грција успеала да развие билатерални односи без никакви проблеми”.

-Амбасадорката Вакали изјави дека е почестена со новата задача која ја примила и дека Грција е искрена и силна пријателка на Косово … Таа рече дека е импресионирана од големиот потенцијал кој го има Косово и можностите кои постојат за билатерална соработка, се вели во соопштението.

Курти и Вакали се согласиле дека треба да продолжат заедничките пректи во образованието и културата и во организирањето на наредниот економски форум.

Од 25-те членки на Европската унија, освен Грција, косовската независност сè уште не ја признале и Шпанија, Романија, Словачка и Кипар

www.slobodenpecat.mk

Претходно

Кривична пријава за скопјанец за „загрозување на животната средина и природата со отпад”

Следно

Павличевиќ е новиот селектор на македонската одбојкарска репрезентација

Latest from Blog

MacedonianEnglishAlbanian