ФОТО | Еве што значи темата „Позлатен гламур“на годинешната Мет Гала

3 mins read

Најголемиот црвен тепих на модата се одржа во Музејот на уметност Метрополитен во Њујорк на 2 мај по неколку одложувања поради пандемијата на Ковид-19.

Додека галата со тема „In America: A Lexicon of Fashion” од 2021 година беше одложена за септември, оваа година ќе послужи како продолжение, со малку изменета (но сепак целосно американска) тема и нов кодекс на облекување. Покрај водителите Блејк Лајвли, Рајан Рејнолдс, Реџина Кинг и Лин-Мануел Миранда заедно со почесните копретседатели Том Форд и Ана Винтур, настанот во 2022 година беше преполн со славни имиња.

Фото: EPA/JUSTIN LANE

Која е темата?

„In America: An Anthology of Fashion“/Во Америка: Антологија на модата – што не звучи многу поразлично од минатогодишната тема. Но, овој пат, се работи за „gilded glamour“/позлатен гламур. (Во 2021 година, поканите ги повикаа гостите да ја канализираат „американската независност“ со нивната облека.)

„Отфрлете ја прашината од „Доба на невиност“ и „Куќата на радоста“ на Едит Вартон“, вели „Vogue“. „Мет Гала во 2022 побара од своите присутни да ја отелотворат величественоста – а можеби и дихотомијата – на позлатеното доба на Њујорк.

Age of innocence, Фотo: IMDB-принтскрин

Што е „Позлатен гламур“?

Позлатеното доба се протегало од 1870 до 1890 година. Измислен од Марк Твен, терминот означува време на просперитет, индустријализација и раст.

Меѓу многуте пронајдоци од тој период, вклучително и сијалицата и телефонот, биле машините за забрзување на процесот на правење облека. Доволно е да се каже дека мешавина од текстил и вишок на реси, машнички, фалти и други украсни детали би се вклопиле токму на овогодинешниот црвен тепих.

Age of innocence, Фотo: IMDB-принтскрин

Кој го одредува кодексот на облекување?

Ана Винтур, заедно со главниот куратор на Институтот за костими на Музејот за модерна уметност, Ендрју Болтон, се задолжени за изборот на темата на изложбата, изложените парчиња и, на крајот, сè за настанот. Винтур е толку педантна за целата афера, што дури и ја курира листата на гости и често ги советува присутните што да облечат.

Фото: EPA-EFE/ANDY RAIN

10-те најдобри креации на Мет Гала: Ким Кардашијан го облече фамозниот фустан на Мерилин Монро

Зошто „Позлатен гламур“?

Болтон изјави за Vogue дека втората половина од изложбата „Во Америка“ обезбедува „историски контекст“ до последно.

„Приказните навистина ја одразуваат еволуцијата на американскиот стил, но тие исто така ја истражуваат работата на поединечни кројачи, креатори на фустани и дизајнери“, рече Болтон. И покрај тоа што на изложбата ќе бидат претставени дела од Оскар де ла Рента и Халстон, таа исто така ќе ги стави во центарот на вниманието помалку познатите модни таленти низ историјата.

Фото: EPA/JUSTIN LANE
Фото: EPA/JUSTIN LANE

www.slobodenpecat.mk

Претходно

Новиот менаџер Тен Хаг им верува на осум играчи на Манчестер јунајтед

Следно

Забранет риболовот на езерото Калиманци

Latest from Blog

MacedonianEnglishAlbanian