Украина: Руските сили крадат жито од окупираните територии

1 min read

Руските сили украле значително количество жито од окупираните територии на Украина, изјави заменик министерот за земјоделство, Тарас Висоцки.

Висоцки е загрижен дека Москва би можела да преземе над 1,5 милиони тони жито складирано на окупираните територии. Украина е четврти најголем извозник на житарици во светот, со продадени 44,7 милиони тони минатата сезона. Обемот на извозот нагло се намали по руската инвазија.

Во четвртокот, украинското МНР соопшти дека најостро ги осудува руските криминални дејствија со т.н. експропријација на посевите од земјоделците во регионот Херсон во јужна Украина. Не се познати повеќе детали за наводната кражба на жито во Херсон, каде главниот град е окупиран од руските сили.

– Ограбувањето жито од регионот Херсон, како и блокирањето на пратките од украинските пристаништа и минирањето на бродските рути, ја загрозуваат светската безбедност на храната. Бараме Русија да престане со нелегалната кражба на жито, да ги деблокира украинските пристаништа, да ја врати слободата за навигација и да дозволи премин на трговски бродови, се нагласува во соопштението.

Од Кремљ за „Ројтерс“ изјавиле дека немаат информации на таа тема.

kurir.mk

Претходно

За продолжениот празничен викенд променливо облачно време со повремени врнежи од дожд

Следно

Приврзаниците на Бериша одржуваат Национално собрание, се поголемо разединување кај албанските демократи

Latest from Blog

MacedonianEnglishAlbanian