Во најновиот напад на руските сили во главниот град на Украина, Киев, вчера била убиена новинарката на Радио Свобода, Вера Гирич.
Journalist Vera Girich from @radiosvoboda was killed in a missile attack on #Kyiv, her colleague Alexander Demchenko declared. pic.twitter.com/VbwxhJ66g2
— NEXTA (@nexta_tv) April 29, 2022
Многу новинари ги загубија животите во војната во Украина. На почетокот на овој месец, фотографот и документарен режисер Макс Левин беше пронајден мртов во близина на Киев.
Гирич порано живеела во зграда која била нападната од руските сили. Нејзиното тело било заробено под урнатините цела ноќ додека спасувачите не ја откриле следното утро.
As a result of a missile attack in Kyiv, the journalist of Radio Liberty, Vera Girich, was killed, her colleague Oleksandr Demchenko said.
Her body lay all night in the ruins of the house.
Photo: Alexander Demchenko. pic.twitter.com/QgCLiuL7I9
— Free Ukraine (@Mihoflowersy) April 29, 2022
Нејзиниот колега, Олександар Демченко, сподели објава на неговиот фејсбук-профил.
„Руска ракета ја погоди нејзината зграда, Вера лежела таму цела ноќ и ја пронашле дури наутро. Јас лично не сум лут и не сакам да плачам затоа што ова се повторува секојдневно. Само не знам како да кажам каква прекрасна личност почина…“, напиша тој.
Претходно беше објавено дека руска ракета погоди станбена зграда во Киев приближно во исто време кога украинскиот претседател Володимир Зеленски и генералниот секретар на ОН Антонио Гутереш одржуваа прес-конференција во главниот град. Во нападот беа повредени најмалку десет лица.
