Градоначалникот на општина Куманово Максим Димитриевски денеска најави изградба на спомен обележје за бранителите од конфликтот во 2001 година, како и за припадниците на МВР од немилите настани во Диво Насеље во 2015 година.
„Очекувам на некоја од следните седници на Советот на Општина Куманово едногласно од сите политички партии да се прифати иницијативата на здружението на ветераните “ЗАПВАРС” од Куманово за изградба на спомен-обележје на сите кумановски бранители од 2001 година, вклучувајќи ги и припадниците на МВР од Кумановските настани од 2015 година. Тие нѐ задолжија, тоа е наша обврска која до ден-денеска не е исполнета“, рече Димитриевски.
