Натпреварот во Атланта доцнеше 40 минути поради сомневања за поставена бомба пред салата

1 min read

Атланта Хокс синоќа успеа да оствари важна победа од 111:110 во плеј-оф серијата со Мајами хит и да намали на 1:2 во победи, но пред натпреварот се случуваше вистинска драма поради сомнителен пакет.

Имено, почетокот на натпреварот доцнеше цели 40 минути, бидејќи полицијата во близина на салата пронашла сомнителен пакет.

На екипите не им беше дозволено да излезат на паркетот, но натпреварот не смееше да започне без дозвола на полицијата. Сомнителниот пакет бил пронајден во близина на статуата на Доминик Вилкинс пред „Стејт Фарм Арената“.

– Пред вечерашниот натпревар од првото коло на Источната конференција меѓу Атланта Хокс и Мајами Хит, во близина на влезот два во „Стејт Фарм Арена“ е пронајден сомнителен пакет. Поради дополнителна претпазливост, влезовите 1, 2 и 3 беа затворени од полиција и обезбедувањето кои работеле на местото на настанот. На крајот излезе дека не станува збор за експлозив и пакетот е тргнат од специјална единица на полицијата на Атланта – се наведува во соопштението.

www.slobodenpecat.mk

Претходно

Уапсени тројца крадци во Скопје, фатени на дело

Следно

Принцот Хари призна: Во последните две години го чувствувам присуството на мајка ми повеќе од кога било досега

Latest from Blog

MacedonianEnglishAlbanian