Британски разузнавачи: Руските трупи не успеаја да постигнат голем напредок во изминатите 24 часа

1 min read

И покрај зголемената активност, руските сили не постигнаа голем напредок во последните 24 часа бидејќи украинските контранапади продолжуваат да ги попречуваат нивните напори, се вели во најновиот извештај на разузнавачката служба на британското Министерство за одбрана.

Во него се истакнува дека руските воздушни и поморски сили „не воспоставиле контрола во ниту еден домен поради ефективноста на украинската воздушна и поморска одбрана што ја намалува нивната способност да постигнат забележителен напредок“.

И „покрај тоа што соопштија дека го освоиле Мариупол (во југоисточна Украина), продолжуваат да се водат тешки борби кои ги фрустрираат руските обиди да го заземат градот“.

Ова го „забавува нивниот посакуван напредок“ во источниот украински регион Донбас, додава разузнавачката служба.

Претходно оваа недела, Русија објави втора фаза од својата „специјална воена операција“ во Украина, во која ќе се фокусира на преземање контрола врз Донбас.

kurir.mk

Претходно

Пожарот кај струшката населба Елен Камен сè уште активен, нема опасност за куќите

Следно

Голем народен собир со музика утре во црквата „Св. Петар и Павле“ во Горно Лисиче

Latest from Blog

MacedonianEnglishAlbanian