ВИДЕО | Дувњак: „Плацовите на Водно“ – клучен ден за македонското правосудство

2 mins read

Основниот кривичен суд Скопје денеска попладне треба да ја изрече пресудата за случајот „Плацови на Водно“ во кој првообвинет за перење пари и противправно стекнување и прикривање на имот е поранешниот премиер Никола Груевски.

-Обвинети сè уште пет други лица: Сашо Мијалков, Ристо Новачевски, Ненад Јосифовиќ, Јордан (Орце) Камчев и Ратка Куновска-Камчева за која обвинителството во завршните зборови се откажа од кривичен прогон поради застарување на делото. „Плацевите на Водно“ е важен предмет за на некој начин да се демистифицира митот на Груевски за чесност, скромност и ако се сеќава јавноста во анкетните листови на Груевски немаше имот, таму стоеа 4 станови на неговата мајка купувани 2001 година кога тој беше министер за финансии. Според обвинителството тие пари со кои се купувани плацевите на Водно се практично злоупотребени пари од партиски чланарини, вели Дувњак.

Според неа изненадување беше промената на исказот на Орце Камчев за пренамената на парите за купување на станови.

-Груевски постојано преку големи статуси на Фејсбук тврди дека е жртва на прогон и дека ова е наместен случај. Овој предмет има и една друга важна димензија, а тоа е дека дел од актерите се појавуваат и во големиот случај кој обвинителството го води под името „Империја“. Во двата случаи обвинител е обвинителката Лиле Стефанова. Бранителите на Камчев во многу наврати се обидоа на секој можен начин да ја елиминираат од постапката, вели за Утрински брифинг новинарката и уредник на Фокус, Гордана Дувњак.

Целиот разговор погледнете го во видеото:

 

 

 

www.slobodenpecat.mk

Претходно

Путин ја казни својата ќерка: Ѝ забранил да патува, се плашел дека нема да се врати во Русија

Следно

Земјотрес од 6,7 степени во близина на Никарагва

Latest from Blog

MacedonianEnglishAlbanian