Бугарскиот министер за правда Иванов : Скопје ќе остане под влијание на Белград и Москва ако остане надвор од ЕУ

2 mins read

Нема причина да се промени долгорочната политика на Бугарија, која има интерес С. Македонија да не остане долго надвор од ЕУ, што значи и под влијание на Белград и Москва, изјави копретседателот на партијата „Демократска Бугарија“ и и поранешен бугарски министер за правда, Христо Иванов, пренесуваат тамошните медиуми.

Прашањето за членството на С. Македонија во ЕУ е една од главните линии на поделба во владината коалиција. Во бугарската јавност се појавија гласини дека бугарскиот премиер Кирил Петков се подготвува за компромис и Бугарија во јуни да го укине ветото за преговарачката рамка за членство во ЕУ, додаваат бугарските медуми.

Според Иванов, има многу луѓе кои се заинтересирани односите меѓу Бугарија и С. Македонија да не се развиваат, па поради тоа политичарите мора да бидат многу внимателни и претпазливи со она што го изјавуваат.

„Негативните емоции лесно се палат, многу тешко се контролираат. Мораме пред се да се грижиме за националниот интерес на Бугарија, а не само изборно да се надеваме дека ќе се грееме на огнот на разгорените емоции“, потенцираше Иванов.

Во меѓувреме, бугарската ултранационалистичка партија “Преродба“ најави жестоки протести доколку премиерот Петков и дозволи на С. Македонија да ги започне преговорите со ЕУ.

“Петков дури си дозволи да води поинаква политика од онаа што е официјално усвоена и воспоставена за Македонија што поскоро да влезе во Европската Унија. Доколку тоа се случи, ќе организираме протести од големи размери за рушење на власта, бидејќи таквата измама со нашата историја е тотално неприфатлива.“ изјави пратеникот од редовите на “Преродба“, Ангел Георгиев, додавајќи дека политичките елити во Бугарија само “немо стојат и ја гледаат антибугарската хистерија во Македонија“.

www.slobodenpecat.mk

Претходно

Ограбена фабрика за масло од канабис, одземени суровини

Следно

Поп Арсова со нов државен рекорд на 10.000 метри во атлетика

Latest from Blog

MacedonianEnglishAlbanian