Ако ве касне куче во Скопје, на овој начин вонсудски ќе се решаваат случаите

1 min read

Советот на Град Скопје, на денешната седница донесе Одлука за надоместок на материјална и нематеријална штета предизвикана од бездомни кучиња на јавни површини.

Со оваа Одлука се утврдува вонсудско спогодување во постапка по која ќе може да се исплаќа штета согласно со судските практики. Вонсудското спогогодување е во полза на намалувањето на енормните трошоци кои произлегуваат од судските постапки и сите пропратни процедури, а исто така е полезно и за оштетените во остварувањето на правото.

Трошоците за судските постапки, жалбените постапки, одговорите на жалбите, адвокатски услуги  во 2020 година го чинеа Град Скопје повеќе од  15 милиони денари, во 2021  година повеќе од  26 милиони денари. Во 2020 година беа поднесени 480 тужби против Град Скопје, додека  во 2021 година се поднесени 589 тужби. Оттука носењето на Одлуката за вонсудско спогодување ќе заштеди многу средства  во градскиот буџет.

Согласно со новата Одлука ќе биде оформена Комисија која ќе одлучува за начинот и исплатата на штетите од каснување предизвикано од  бездомни кучиња. Комисијата ќе одлучува врз основа на Правилник за склучување на спогодба со оштетени граѓани.
 

skopjeinfo.mk

Претходно

Истече рускиот ултиматум за предавање на украинските трупи во Мариупол

Следно

Словенечки министер си поднесе оставка поради афера со неплатена хотелска сметка

Latest from Blog

MacedonianEnglishAlbanian