СОНК за штрајкот: Надлежните имаат несериозен пристап, преговараат без конкретен предлог

1 min read

Генералниот штрајк на Самостојниот синдикатот за образование, наука и култура (СОНК) ќе продолжи и понатаму. Советот на СОНК на денешната седница одлучи да не го прифати предлогот на Владата, за 10 проценти покачување на платите со кој би се прекинал штрајкот почнат на 11 април.

Една од причините зошто овој предлог не е прифатен од СОНК, е зошто истиот бил предложен усно, а не во писмена форма, информираа од СОНК, од каде додаваат дека над 95 проценти од синдикалните органзации на СОНК се изјасниле за отфрлање на дадената усна понуда.

Претседателот на СОНК, Јаким Неделков на прес-конференција рече дека членовите на СОНК, реагираат на несериозниот пристап на надлежните кои, како што наведе, скоро два месеца преговараат со претставници на СОНК, а реално не даваат никаков конкретен предлог на доставените писмени барања од страна на СОНК.

– Членовите на СОНК констатираат дека ваквиот пристап од страна на Владата не води во правец на брзо решавање на проблемот и прекинување на штрајкот. Зголемувањето на платите од 10 проценти во детска заштита, основно и средно образование воопшто не кореспондира со висината на зголемување на минималната плата оваа година и не е соодветна стимулација за враќање на достоинството на професијата, рече претседателот на СОНК Неделков.

www.slobodenpecat.mk

Претходно

ФОТО | Анџелина Џоли ѝ завидува: Поранешната на Бред Пит одзема здив во креација на хрватската дизајнерка

Следно

Зеленски: Украина нема намера да го предаде Донбас, ќе се бориме

Latest from Blog

MacedonianEnglishAlbanian