Реконструкција на сите пешачки патеки во Градски парк

1 min read

Градоначалничката на Град Скопје, Данела Арсовска и директорот на ЈП Улици и патишта, Борис Настов, вчера извршија увид и обиколка на реконструкцијата на патеките во Градскиот парк, каде изведувачките активности се во тек и според предвиденото веќе се завршени поголем дел од патеките.

 „Интензивно се реконструираат патеките во Градскиот парк. Од почетокот на реконструкцијата до денеска вградена е нова асфалтна маса од 750 тони, а реконструирани се над 5.000 квадратни метри патеки во западниот дел од паркот“, истакна директорот на ЈП Улици и патишта.

Екипите на Градот Скопје и јавното претпријатие Улици и патишта продолжуваат со активности за одржување на постојната инфраструктура, реконструкција на пешачките патеки во Градскиот парк се врши во фази и на површина од 9.000 квадратни метри. 

Веќе најголем дел од патеките се целосно реконструирани и асфалтирани, а граѓаните може да ги користат за прошетки и рекреација во текот на пролетните денови.
 

skopjeinfo.mk

Претходно

Петков и Јотова ќе ја посетат Битола

Следно

Нутриционистка дава одговор: Зошто не можете да спиете, но ниту да ослабнете!

Latest from Blog

MacedonianEnglishAlbanian