2МФЛ: Грнчаров дебитираше триумфaлно со Вардар, Слога Виница броеше до осум

2 mins read

Вардар им се вратија на победи во Втората македонска фудбалска лига – Запад, откако триумфираше како домаќин против Тетекс со убедливи 4:0 (2:0).

Отпорот на гостинот беше скршен во финишот на првиот дел. Најпрвин Мишковски погоди за 1:0 во 44 минута, а потоа и младиот Парталко погоди во судиското надополнување за 2:0.

Во вториот дел, скопските „црвено-црни“ заиграа исто така добар фудбал, па со два гола на Петковски запиша убедлива победа од 4:0. Ова воедно беше и одлично деби на Бобан Грнчаров на клупата на Вардар во чија корист оди и ремито на Воска Спорт во трката за втората позиција.

Во Втората македонска фудбалска лига – Исток составот на Слога Виница го декласираше Лок. Градско со 8:0, но и нивните конкуренти во трката за влез во елитата, Беласица и Победа исто така беа успешни.

За Слога Виница хет-трик запиша Иванов, два имаше Шуманов, а по еден Митров, Симевски и Сали, а овој висок триумф беше зачинет со дебитантскиот триумф на Мартин Лазаров со 16 години, два месеци и 23 дена, кој потекнува од младинската фудбалска школа на Слога Виница.

2МФЛ – Запад, 23. коло
Резултати: Силекс – Кадино Скопје 5:0, Воска Спорт – Гостивар 0:0, Вардар – Тетекс 4:0, Кораб – Велешка 3:1, Беса 1976 – Охрид 1:0.

Табела: Силекс 59 бодови, Воска Спорт 52, Вардар 46, Тетекс 35, Гостивар 30, Беса 1976 29, Кораб 23, Охрид 22, Велешка 17, Кадино Скопје 6.

2МФЛ – Исток, 23. коло
Резултати: Слога Виница – Лок. Градско 8:0, Беласица – Саса 2:0, Победа – Осогово 2:1, Кожуф Гевгелија – Братство 07 0:0, Кит Го Пехчево – Детонит Јуниор 0:1.

Табела: Слога Виница 51 бод, Беласица 50, Победа 50, Саса 44, Кожуф Гевгелија 28, Кит Го Пехчево 27, Осогово 27, Детонит Јуниор 24, Братство 07 14, Лок. Градско 6.

www.slobodenpecat.mk

Претходно

ВОЗНЕМИРУВАЧКО ВИДЕО: Насилник тепа жена и го клоца нејзиното куче на улица во Србија

Следно

Акиевска „златна“ на меѓународниот Херкулес Гранд При во Бодибилдинг и фитнес во Скопје

Latest from Blog

MacedonianEnglishAlbanian