Се продава најпознатата гитара на легендарниот Курт Кобејн

1 min read

Од аукциската куќа тврдат дека цената на гитарата би можела да достигне и до 800.000 долари, но тоа е конзервативна процена на цената…

Легендарниот фронтмен на Нирвана, Курт Кобејн ја сними „Smells Like Teen Spirit“ во 1991 година, а гитарата која ја имаше во спотот сега се продава на аукција, пишува CNN.

Спотот на Јутјуб има повеќе од 1,4 милијарди прегледи, а неговиот син Fender од 1969 година стана еден од најпознатите инструменти.

„Ова е една од најпознатите гитари кои некогаш дошле на аукција, сината гитара Mustang Fender, една од омилените гитари на Курт Кобејн, изјави Мартин Нолан, директорот на „Julien’s Auctions“.

Нолан додаде дека со гитарата доаѓаат и дополнителни делови кои исто така ги користел Курт Кобејн.

„Гитарата доаѓа со оригинален куфер и ремен за гитара, а тоа им е многу важно на колекционерите кога ќе дојдат на аукција, со тоа се дополнува и потврдува уникатноста и оригиналноста на инструментот“, вели тој.

Фото: Јутјуб

Аукцијата ќе се одржи во Њујорк, а гитарата на Коебјн е најпознатиот предмет на аукцијата.

Нолан тврди дека гитарата може да достигне цена до 600.000 до 800.000 долари, но дека е тоа „многу конзервативна проценка“.

Дел од парите кои аукциската куќа ќе ги заработи од гитарата ќе бидат донирани за хуманитарна помош, а освен неа на аукцијата ќе се најдат и некои слики од Курт Кобејн.

www.slobodenpecat.mk

Претходно

По Британија и Германија со санкции кон Додик и властите во Р. Српска

Следно

Касано не е импресиониран од сонародникот: Анчелоти има среќа на клупата на Реал

Latest from Blog

MacedonianEnglishAlbanian