Петков повика на национално обединување: Мора да имаме заеднички став РС Македонија

2 mins read

Бугарскиот премиер Кирил Петков пред новинарите во Пловдив зборуваше за односите со Република Северна Македонија и ја коментираше изјавата на министерката за надворешни работи Теодора Генчовска дека има разлики во ставовите на МНР и тимот за надворешна политика на Петков.

-Има само една политика, а тоа е политиката на Бугарија, таа треба да помине само преку институцијата Парламент. Не само владејачката партија, туку и опозицијата мора да се обедини. Никој нема да може да протурка ниту една позиција што не поминува низ бугарскиот парламент. Мора да имаме заедничко единство за РС Македонија, рече Петков, пренесува БГНЕС.

Шефицата на бугарската дипломатија Теодора Генчовска која утре заедно со Петков доаѓа во Битола на покана на здружението на македонските Бугари изјави дека има сериозни разлики меѓу Министерството за надворешни работи и тимот за надворешна политика на премиерот Кирил Петков за прашањето за евроинтеграциите и преговорите со Република Северна Македонија.

Таа рече и дека не постои документ меѓу Северна Македонија и Бугарија што е основа за преговори.

-Речиси ниту една од другите четири точки од Протоколот 4 + 1 не е спроведена од Скопје, појасни таа и додаде дека нема време до крајот на француското претседателство да се отвори Уставот на Република Северна Македонија за во него да се регистрираат Бугарите како државотворен народ.

Препукувањата меѓу премиерот и министерката кои се од две различни партии во владејачката коалиција, дојде по објавата на министерот за надворешни работи Бујар Османи дека постои документ како основа за договор со Бугарија прифатлив за македонската страна, но се уште нема одговор дали тој е прифатлив и за Софија.

Утре министерот за надворешни работи Бујар Османи заедно со министерот за транспорт и врски Благој Бочварски и директорот на МЕПСО, Орхан Муртезани ќе ја пречекаат бугарската владина делегација предводена од премиерот Кирил Петков и министерката за надворешни работи, Теодора Генчовска.

Двете делегации ќе остварат посета на далноводот кој тргнува од „Битола 2″ и е дел на проектот за енергетско поврзување на Коридор 8, наменет за реализација на интерконекцијата Северна Македонија-Албанија.

www.slobodenpecat.mk

Претходно

Интер само два часа беше лидер во Серија А, Леао и Месијас го вратија Милан на врвот

Следно

МЗТ Скопје по четири години повторно ќе игра во АБА лигата

Latest from Blog

MacedonianEnglishAlbanian