ВИДЕО | Дувњак: Извештајот на Стејт департментот е огледало на она што ни се случува, без разлика дали ни се допаѓа или не

2 mins read

Извештајот на Стејт департменот е како со копче да враќате една година назад, бидејќи се однесува на 2021 година. Секоја година има и некој аспект кој што посебно е нагласен.

-Оваа година акцентот паѓа на затворите, особено отвореното одделение во Идризово, вели за Утрински брифинг новинарката и уредник на „Фокус“, Гордана Дувњак. -Јас во последниве неколку години неколку пати одев и правев репортажи во затворите. Не дека нешто не се менува, но тоа што се прави е премногу бавно. Состојбата на затворите е лошо оценета.

Она што е направено е на база на донации а не од страна на државата што пак се забележува во извештајот. Има едни констатации кои со години се провлекуваат и буквално се пресликуваат од година во година, со таа разлика што во претходниот извештај нагласокот падна врз истрагите, а сега во овој извештај се делот за медиумите и затворите, анализира Дувњак.

-Мене ми беше многу загрижувачки дека десетина и повеќе години ништо не се инвестирало во затворите, порано имаше продавници кои продаваа производи кои токму се произведени во затворите, а сега тоа го нема, вели таа.

Стопанската дејност на Идризово порано беше многу развиена, што пак придонесуваше и за некаква самоодржливост, сето тоа сега го нема. Затворениците бараат да бидат ангажирани, бидејќи на тој начин се чувствиуваат корисни, денот побрзо им поминува. Извештајот е едно огледало на се она што ни се случува нас, без разлика дали тоа што го гледаме ни се допаѓа или не.

Според Дувњак, загрижува делот на полициската тортура и полициското делување.

-Иако извештајот детектира намалување на бројките сепак се забележува и дека голем дел од барањата на Народниот правобранител се игнорирани и не се прифаќаат, вели за Утрински брифинг, новинарката и уредник на Фокус, Гордана Дувњак.

Проследете го целиот разговор во видеото

www.slobodenpecat.mk

Претходно

ФОТО | Како настанал Нетфликс и кој е мистериозниот сопственик?

Следно

Си-Ен-Ен: САД испорачуваат потешко и пософистицирано оружје за запирање на руската инвазија на истокот од Украина

Latest from Blog

MacedonianEnglishAlbanian