СОНК очекува прифатлив предлог за зголемување на платите

1 min read

Претседателот на Синдикатот за образование, наука и култура Јаким Неделков попладнево информираше дека досега не се регистрирани посериозни проблеми или притисоци врз штрајкувачите.

Во текот на денешниот ден очекуваат покана за средба од надлежните институции, а за времето на одржување на средбата и резултатите од неа, како што напиша Неделков на Фејсбук, јавноста ќе биде дополнително информирана.

– СОНК се надева дека ресорните министерства или Владата ќе излезат со конкретен и прифатлив предлог за зголемување на платите во гореспоменатите дејности односно со предлог кој ќе биде прифатлив од мнозинството на членови на СОНК. Со тоа би се донело, во најкраток можен рок, одлука за прекин на штрајкот и продолжување на нормалниот тек на воспитно – образовниот процес, напиша Неделков на „Фејсбук”.

Вработените во градинките, основните и средните училишта од вчера се во генерален штрајк барајќи зголемување на платите за 18,4 проценти и решение за усогласување на платите со минималната плата.

www.slobodenpecat.mk

Претходно

Напаѓачот кој пукаше во шетачот на кучињата на Лејди Гага по грешка пуштен од затвор

Следно

Уапсен скопјанец кој крадел од Педагошкиот факултет

Latest from Blog

MacedonianEnglishAlbanian