Приведени лица во Скопје за изнуда на пари

1 min read

На 11.04.2022 околу 12.30 часот на подрачјето на Кисела Вода од страна на полициски службеници лишени се од слобода И.А.(43) и А.М.(43), двајцата од Скопје. Имено, во периодот од октомври 2021 до април 2022, И.А. со усмен договор му дал на заем пари на Д.И.(30) од Скопје со определена месечна камата, при што до март 2022 година Д.И. редовно му ги плаќал месечните рати по основ камата.

Според пријавеното, на 27.03.2022, И.А. телефонски побарал од Д.И. да му даде сума пари во вредност поголема од дадениот заем за да го затвори долгот, а на 03.04.2022 повторно му се јавил, обидувајќи се да му изнуди сума пари повеќекратно поголема од вредноста на заемот, притоа упатувајќи закани до него и неговото семејство. На 04.04.2022 Д.И. го пријавил случајот во полиција, а по преземени мерки и активности од страна на полициски службеници, И.А. бил приведен заедно со А.М., кој бил со него при примопредавање на дел од изнудените пари од страна на Д.И..

Во консултација со Јавен обвинител, по документирање на случајот ќе биде поднесен соодветен поднесок по член 258, поради постоeње основи на сомнение за сторeно кривично дело „изнуда“.

skopjeinfo.mk

Претходно

Израелските власти пронајдоа сомнителна направа во подарок од кинеската амбасада

Следно

Јанша ги отфрла обвинувањата дека неговата партија е финансирана од Будимпешта

Latest from Blog

MacedonianEnglishAlbanian