„МЕГИ“ ГИ ОПУСТОШИ ФИЛИПИНИ, ИМА И МРТВИ: Одрони и поплави на истокот и југот на островската земја, ова е ПОЛОШО ОД ВОЈНА! (ВИДЕО)

1 min read

Најмалку 25 лица загинаа во свлечишта и поплави предизвикани од тропската бура Меги, што ги погоди источниот и јужниот брег на Филипините, соопштија денеска властите во Манила.

На копното Меги предизвика ветрови со постојана јачина од 65, а налетите достигнуваа и 80 километри на час.

Ова е првата бура што го погоди архипелагот оваа година, каде има по околу 20 вакви катастрофи годишно.

Во источната провинција Лејте беа пронајдени телата на 22 лица кои биле затрупани под свлечиште, изјави Џомен Коладо, началник на полицијата на градот Бејбеј.

Националната агенција за катастрофи, која соопшти дека три лица загинале во јужниот регион Давао, информира дека жртвите сè уште не се идентификувани.

Коладо додаде дека поплавите предизвикале лизгање на земјиштето и оти спасувачките операции се во тек, бидејќи најмалку шест лица се водат како исчезнати.

Тропската бура Меги се очекува да ослаби до 45 километри на час и утре повторно да се повлече преку морето, соопшти метеоролошкиот завод на Филипините. (МИА)

kurir.mk

Претходно

СДСМ: Шефот на Мицкоски на „црна листа“, се потврдува криминалот во ВМРО-ДПМНЕ

Следно

Скопјанец пронашол рачна бомба во својот двор

Latest from Blog

MacedonianEnglishAlbanian