Украинка побарала засолниште во Велика Британија и добила безброј неморални понуди од мажи

2 mins read

Украинката Јулија Скубенко побарала засолниште во Британија и доживеала низа непријатни искуства. Како што изјавила за британските медиуми, голем број мажи одговориле на нејзиниот апел за помош со лигави пораки и неморални понуди.

Јулија побегна од својата татковина разурната од војна и додека Британија развиваше програма за помош на украинските бегалци, таа реши да побара засолниште таму. Својот апел за помош го објавила во група на „Фејсбук“ со 18.000 членови.

30-годишната девојка, која водела успешна компанија за чистење во Киев, рече дека никогаш не помислила дека ќе мора да ја напушти својата татковина и да почне од почеток поради војна. Таа додаде дека ќе се потруди што поскоро да застане на нозе, а во апелот го запишала и бројот на мобилниот телефон и објавила линкови до нејзините профили на социјалните мрежи.

Набрзо била преплавена со пораки од мажи кои ѝ понудиле соба, а некои не ги ни криеле своите желби, па отворено и понудиле врска и брак. Некој ѝ напишал дека поседува нафтена компанија и банка и и понудил работа како куќна помошничка.

 

Јулија му одговорила на еден од нив дека ја интересираат само домовите што ќе ги дели со други жени, а можеби и мажи кои биле во брак со нив, а тој бил многу разочаран. Штета што можевме да основаме семејство“, одговори тој.

 

Јулија не верувала дека намерите на овие мажи биле добри и изразила загриженост за другите жени кои бараат спас откако избегале од Украина. Нашла дом со едно семејство. Британската политичарка Лиза Нанди предупреди на опасноста проектот за грижа за бегалците да не се претвори во сексуална експлоатација на жените.

www.slobodenpecat.mk

Претходно

НФЛ лигата завиена во црно: Во сообраќајна несреќа загина квотербекот на Питсбург, Двејн Хескинс

Следно

Одбраната на Зеќири со жалба за укинување на притворот

Latest from Blog

MacedonianEnglishAlbanian