Ако сте купиле производи„Киндер“, не јадете ги – „Фереро“ повлекува производи поради сомневање за салмонела

2 mins read

Инспекциските служби на Агенцијата за храна и ветеринарство спроведоа вонреден инспекциски надзор кај операторот со храна „Атлантик траде“ ДОО Скопје, увозник на производите од компанијата, „Фeреро“. Контролата, како што наведуваат од агенцијата, била спроведена врз основа на добиено известување од компанијата „Фeреро“ ДОО од Загреб, Хрватска, со кое информира дека од превентивни причини од пазарот во Македонија се повлекуваат неколку серии од производите „Киндер“.

Согласно нивното известување, од пазарот, во земјава се повлекуваат сериите производи чиј рок на употреба истекува на 3.10.2022година, 23.8.2022 година, 2.6.2022 година, 7.7.2022 година, 15.7.2022 година, 11.6.2022 година.11.6.2022 година и 30.6.2022 година, соопшти АХВ.

Попладнево, како што информираат од агенцијата добиле и нотификација од Системот за брзо предупредување за храна и за исхрана на животни (РАССФ) на Европската Унија, со која се алармира дека на пазарот во земјава е пласиран сомнителен чоколаден производ од овој производител.

„Врз основа на извршената инспекциска контрола, на компанијата увозник издадено и е решение со кое се забранува промет на призводи ‘Киндер’ со лот L006LtB-NR, L330RtB-MJ, L2923RtDKX, L328RtD-M,L336RZD-MU, L302RO3, L321RO3. На операторот му е издадена и наредба да изврши отповикување на наведените лотовиод производот и повлекување на количините кои се пласирани на пазарот. Потврда за итно, превентивно повлекување од пазарот на производи од овој бренд до АХВ прати и компанијата увозник која извести дека од пазарот се повлекува производoт 260320 Kinder Schokobons G125x16, серија L321R03, со рок на траење 30.6.2022 година, серија L302R03, со рок на траење 11.6.2022 година, од производителот Ferrero Ardennes S.A., rue Pietro Ferrero 5, 6700 Арлон, Белгија“, е потенцирано во официјалната информација.

Агенцијата за храна ги известува потрошувачите кои го имаат купено овој вид производ, да не го јадат и да го вратат на местото од каде го купиле.

www.slobodenpecat.mk

Претходно

Шаќири имаше успешно деби со Шкендија, само бод за „пандевци“ во Велес

Следно

Нацев во посета на Воениот музеј во Букурешт: Не било така лесно да се фалсификува историјата, тие со брусалиците ќе тргаат ли наваму?! (ФОТО)

Latest from Blog

Магла на Стража

Намалена видливост од 50 до 70 метри поради појава на магла има на планинскиот премин Стража,

MacedonianEnglishAlbanian