Грковска: „Една точка на услуги” – брза и ефикасна испорака на повеќе од 70 услуги за граѓаните

1 min read

Во рамки на повеќебројните работни активности на Меѓувладината работна група за унапредување на соработката во ЕУ интеграцијата, зелените политики, доброто владеење и дигиталната трансформација, кои денеска се одржаа во Скопје, заменик-претседателката на Владата задолжена за политики за добро владеење Славица Грковска, со министерот за информатичко општество и администрација Адмирим Алити и колегите од бугарската делегација, предводена од вицепремиерката за добро владеење Калина Константинова го посетија Центарот за услуги „Една точка на услуги”, каде се запознаа со функционалноста на овој сервис на граѓаните, кој обезбедува брзи и функционални услуги од повеќе институции.

Вицепремиерката Грковска, која и самата ја испроба постапката за вадење на документ на еден од шалтерите, истакна дека едношалтерскиот систем нуди можности за брзо и ефикасно аплицирање и испорачување на повеќе од 70 услуги за граѓаните од различни институции на само едно место.

„Дигиталните услуги и имплементацијата на механизми за нивна ефикасна испорака до граѓаните се од исклучителна важност и значително го скратува времето и процесот на изготвување на документи од сите области. Преку овој систем, јас денеска за помалку од една минута го добив својот документ – Потврда за работен стаж”, посочи Грковска.

Во рамки на работниот состанок со делегацијата од Република Бугарија, вицепремиерката Грковска додаде дека Владата и нејзиниот Кабинет продолжува со комплетната посветеност на креирање добри политики во интерес на граѓаните кои се од суштинско значење за подобро системско функционирање.

www.slobodenpecat.mk

Претходно

Судиска комисија на ФФМ: Качевски имаше погрешна проценка на мечот Шкупи – Тиквеш

Следно

Пет македонски градови го победиле коронавирусот, немаат заразени лица

Latest from Blog

MacedonianEnglishAlbanian