Каква несреќа: Си купил „Ферари“ и го искршил на три километри од продажниот салон

1 min read

Иако овој инцидент се случил на 1 април, сепак не е првоаприлска шега. Имено, човек од Велика Британија си купил „Ferrari 488 GTB“, па го искршил на 3,2 километри од продажниот салон.

Според полицијата од Дарби, автомобилот бил купен утрото на 1 април и поминал само неколку минути во движење до моментот на несреќата. За среќа, никој не е повреден, освен можеби гордоста на возачот.

Автомобилот „Ferrari 488 GTB“ произведен во 2017 година бил купен во блискиот салон на „Baytree Cars“ во Дерби, Велика Британија и првиот сопственик со него поминал само 21.565 километри.

Се чини дека новиот сопственик не бил свесен за моќта на оваа машина. За среќа, тој не достигнал брзината од 330км/ч. Но, со оглед на тоа дека на фотографиите автомобилот е свртен на погрешна страна од коловозот, се чини дека возачот малку премногу ја притиснал педалата за гас.

Во несреќата се оштетени предниот браник, хаубата и фаровите. Се чини дека штетата може да се поправи, но како нов сопственик на суперавтомобил, возачот веројатно се надевал дека првите неколку месеци ќе плаќа само на бензински пумпи, а не на сервис…

www.slobodenpecat.mk

Претходно

Тензични избори во Србија: Претепан опозиционерот Грбовиќ, обвинувања за паралелни избирачки списоци

Следно

Чави не го сака Роналдо на „Камп Ноу“

Latest from Blog

MacedonianEnglishAlbanian