ВИДЕО: Галичник ќе биде отсечен најмалку една недела, големи снежни наноси и силен ветер

1 min read

Новите снежни врнежи и силниот ветер кој дува создадоа нови проблеми за населението во Галичник.

Месната заедница преку социјалните мрежи информира дека снег со силен ветер вее од синоќа на Бистра, а на делот од патот кој бил исчистен се создаваат повторно снежни наноси.

-Прогнозата е дека попладнево врнежите ќе се интензивираат. Галичник ќе остане недостапен најмалку до наредниот викенд, велат од месната заедница.

Инаку, на почетокот од февруари поради снежни врнежи селото исто така беше отсечено. Патот непрооден, а надлежните служби доцнаа реагираа. По многубројните апели и спасувачката акција се започна со работа на терен.

Тогаш токму поради непроодност на патот и неможноста медицински екипи да пристигнат во Галичник дедо Павле, постојан жител на Галичник беше извлечен од селото со хеликоптер и во акција организирана од полициските „Тигри“, по што беше транспортиран во скопската болница „8 Септември“ на лекување.

kurir.mk

Претходно

Бразилската легенда Роналдињо: Без Италија, Светското првенство губи многу!

Следно

Силниот ветер откорна покрив од зграда во Аеродром

Latest from Blog

MacedonianEnglishAlbanian