Европскиот шампион Егоров кандидат за настап на Игрите во Париз 2024

1 min read

Македонскиот борач Владимир Егоров се закити со златниот медал од Европското првенство во Будимпешта (Унгарија) во борење во категоријата до 57 кг.

Ова е втор медал за Егоров од борилиштата откако на претходното ЕП се закити со сребрен медал.

– Ваквите остварувања нè задолжуваат нас како Агенција за млади и спорт, во континуитет да бидеме главна поддршка на сите македонски борачи, како во нивниот припремен период, така и на сите настапи на меѓународен план – вели директорот на АМС, Наумче Мојсовски.

За успехот од Будимпешта се заслужни целокупниот тим, од тренерите Бобан Донов и Седет Бафтиу, па сè до претседателот на Боречката федерација Бојан Богданов.

– Златниот медал на Егоров, петтото место на Бесир Алили, но и одличниот настап на Фати Вејсели даваат надеж за проширување на списокот македонски борачи кои претендираат за настап на следните Летни Олимписки Игри во Париз 2024 – рече претседателот на федерацијата, Дејан Богданов.

www.slobodenpecat.mk

Претходно

ВИДЕО | Дино Мерлин со нова песна: „Прости“ е многу силен збор за еден маж

Следно

ВИДЕО: Претреси во Скопје и скопско, приведени двајца нарко дилери, пронајден кокаин и марихуана

Latest from Blog

MacedonianEnglishAlbanian