Рударска несреќа во Србија: Во експлозија во јама загинаа 8, а спасени се 58 рудари

1 min read

Во рудникот Соко во близина на Сокобања се случи експлозија на метан од која се урна дел од јамата, а рударите останаа заробени. Според првите информации загинати се осум лица, а над 20 рудари се повредени, јави дописникот на МИА од Белград.

– Несреќата е многу голема, осум лица загинаа, а повеќе од 20 се повредени, изјави за РТС директор на Здравствениот дом во Алексинац, Родољуб Живадиновиќ.

Тој кажа дека некои повредени рудари веќе се префрлени во општата болница во Алексинац, а повеќе од 20 од нив се полесно повредени.

Досега дури 65 рудари се извлечени од рудникот Соко .

Според неофицијални информации, окното во рудникот се урнало, а камениот материјал паднал и затрупал голем број рудари, од кои некои останале заробени од другата страна.

Од Брзата помош во Алексинац изјавија дека на терен се сите редовни и вонредни екипи.

Според информациите од полицијата во Зајечар, бројни полициски екипи се на терен, а истрагата е во тек, соопштија српските медиуми.

Експлозијата се случила во раните утрински часови, јави РТС.

www.slobodenpecat.mk

Претходно

На просторот планиран за станбени згради во Аеродром, ќе никне нов парк

Следно

Жерар Депардје го осуди Путин: Народот не е одговорен за лудите, неприфатливи испади на нивните лидери

Latest from Blog

MacedonianEnglishAlbanian