Ограбен домот на Дејвид и Викторија Бекам: Крадци влегле додека парот бил во куќата

1 min read

Предмети во вредност од илјадници фунти биле украдени од луксузниот дом на Дејвид и Викторија Бекам во западен Лондон, пренесуваат британските медиуми.

Се верува дека кражбата во нивната куќа во Кенсингтон се случила доцна во вечерните часови на 28 февруари додека Бекамови биле дома со нивната 10-годишна ќерка.

Имено, кражбата не била откриена се додека 17-годишниот Круз Бекам не се вратил дома од ноќно излегување. Тој веднаш забележал дека еден од прозорците е скршен и набргу сфатиле дека е ограбена спалната соба.

Портпаролот на лондонската полиција потврди за медиумите дека околу полноќ на 1 март, полициски службеници одговориле на повик за кражба во куќа во областа „W11“ во Кенсингтон.

Сè уште нема уапсени, а истрагата е во тек. Како што пренесуваат британските медиуми, меѓу украдените предмети има дизајнерски и електрични предмети во вредност од илјадници фунти.

www.slobodenpecat.mk

Претходно

Утврдени стотици непријавени имоти во Град Скопје

Следно

ВИДЕО: Мексико и САД учесници на СП, Костарика ќе игра во баражот

Latest from Blog

MacedonianEnglishAlbanian