Српската полиција демантира: „Снајперистката Багира“ не е во Украина, таа е во затвор во Пожаревац

1 min read

Откако светските медиуми го објавија тврдењето на украинската армија дека ја заробила српската државјанка Данијела Лазовиќ попозната како „снајперистката Багира“, српското Министерство за внатрешни работи ја демантираше таквата информација.

„Во секоја војна прва жртва е вистината, па во медиумите се појавија лажни вести за наводно фаќање на српската државјанка Д.Л., која, како што велат, била заробена од вооружените сили на Украина и означена како „снајперистката Багира“. Вистина е дека Д.Л., во октомври 2020 година беше уапсена и оттогаш е во КПУ Пожаревац, каде издржува шестгодишна затворска казна и затоа не може да биде заробена во Украина“ се вели во соопштението.

Исто така, посочуваме дека лицето на сликата објавена во медиумите не е Д.Л.- ‘Багира’“, се наведува во соопштението на МВР, пренесува српски Телеграф.

Претходно украинските сили објавија дека ја фатиле „снајперистката Багира“, а бројни медиуми ја пренесоа информацијата, повикувајќи се на објавите на украинската армија на социјалните мрежи.

Во објавените текстови се наведува дека „Багира“ им се придружила на проруските сили како доброволец уште во 2014 година, дека таа на своето „конто“ има преку 40 убиства, голем број од нив цивили, како и дека сега била заробена од страна на украинските војници.

www.slobodenpecat.mk

Претходно

Преговорите меѓу Русија и Украине почнуваат утре во 9:30 часот

Следно

ФОТО+ВИДЕО | Редок случај во медицината: Бебе се роди во недопрена амнионска ќеса

Latest from Blog

MacedonianEnglishAlbanian