Падна цената на нафтата откако Кина го стави во карантин цел Шангај

1 min read

Цените на нафтата во светот денеска паднаа откако Кина поради случаи на коронавирус го стави во карантин цел Шангај, важен финансиски и производствен центар.

Цените на нафтата брент паднаа за повеќе од 4,5 долари за барел поради загриженоста дека „заклучувањето“ на Шангај може да доведе до пад на побарувачката на нафта, јавува Би-Би-Си.

И покрај падот, цените на нафтата се уште се речиси 80 отсто повисоки од пред една година, а војната во Украина придонесе за голем скок.

Шангајскиот композитен индекс падна на почетокот на тргувањето на берзите, но го врати најголемиот дел од загубата во текот на денот. Денешниот карантин во Шангај е најголемо „заклучување“ во Кина од почетокот на пандемијата пред повеќе од две години. (МИА)

kurir.mk

Претходно

Љубов на прв поглед

Следно

ВИДЕО | Десетгодишна Украинка користи Google Translate за да комуницира со новата пријателка

Latest from Blog

MacedonianEnglishAlbanian