НОВ ПРОБЛЕМ ВО УКРАИНА: Голем пожар во рестриктивната зона околу нуклеарната централата Чернобил

1 min read

Во рестриктивната зона околу нуклеарната централа Чернобил избувна голем пожар поради борбите, изјави комесарката на украинскиот парламент за човекови права Људмила Денисова и ја повика Меѓународната агенција за атомска енергија итно да испрати помош.

„Горат повеќе од 10.000 хектари шума, што може да предизвика зголемување на нивото на радијација во воздухот“, соопшти Денисова на Фејсбук, пренесена од Укринформ.

Денисова уште тврди дека во моментов е невозможно пожарот да се ​​стави под контрола и да се изгасне бидејќи оваа зона, во која е забранет пристапот на граѓаните поради високото ниво на радијација, е под контрола на руските сили.

Таа предупреди дека пламенот може да ги зафати складиштата за потрошено нуклеарно гориво и објектите со нуклеарен отпад во зоната на Чернобил, како и дека поради сувото и ветровито време може да дојде до пожари од големи размери. (МИА)

kurir.mk

Претходно

ВИДЕО | „Кралот се врати“: Роналдо му посака добредојде назад на Пепе

Следно

ВИДЕО | Позитива на денот: Златен ретривер танцува со своите сопственици

Latest from Blog

MacedonianEnglishAlbanian