Арсовска: Во тек е ревизија на работењето на претходното раководство

1 min read

Градоначалничката на Град Скопје Данела Арсовска во гостување во емисијата „Трилинг“ на ТВ 24 најави дека е во тек ревизија на работењето на претходното раководство на градот.

Таа посочи дека од досегашните наводи кои произлегле се оформени повеќе финални предмети и истите се доставуваат до надлежните институции.

– Ревизијата е веќе отпочната. Се што ќе биде детектирано, а е во насока на злоупотреба на службената должност ќе биде соодветно доставено до надлежните институции. Останува на институциите да одлучат во која насока и како ќе постапуваат по истите, рече таа. 

За ребалансот на буџетот Арсовска истакна дека е отпочната постапка која трае до 45 дена за подготовки и анализа на тоа кои средства треба да се одвојат и пренаменат онаму каде што има потреба.

-Во овој момент се следи процесот на работа на јавните претпријатија и кои од нив генерираат поголеми долгувања, со оглед на тоа што цените на енергенсите драстично се зголемени. Автомобилите во сопственост на градот веќе не се користат надвор од работното време, исклучително само во службени цели. Воедно ги кратиме и сите непродуктивни трошоци и овие средства ги пренаменивме да се вратат кај граѓаните. Помагаме на ранливите категории граѓани, овозможуваме оброци на бездомните лица, изјави Арсовска.

skopjeinfo.mk

Претходно

Почувствуван земјотрес во Валандовско

Следно

Украина соопшти дека 135 деца се убиени од почетокот на инвазијата

Latest from Blog

MacedonianEnglishAlbanian